Mwapachu: EAC haitoweza kusaini makubaliano ya kibiashara na EU Novemba

Katibu Mkuu wa Jumuiya ya Afrika Mashariki amesema kuwa jumuiya hiyo haitoweza kutia saini makubaliano ya kibiashara na Umoja wa Ulaya katika muda uliopangwa ambao ni mwezi Novemba. Juma Mwapachu aidha ameelezea matumaini yake kwamba makubaliano mengine yatafikiwa kuhusiana na ushirikiano wa kiuchumi, ambayo yameandaliwa ili kuchukua nafasi ya makubaliano ya kibiashara yanayoonekana kuwa na upendeleo yaliyokwamishwa na Shirika la Biashara Duniani (WTO). 

Nchi wanachama wa jumuiya ya Afrika Mshariki EAC ambazo ni Tanzania, Kenya, Uganda, Rwanda na Burundi zenye jumla ya pato linalotokana na uzalishaji wa ndani la bilioni 73.3, kwa miezi kadhaa sasa zinajitayarisha kufikia makubaliano na Umoja wa Ulaya, baada ya kuanzisha makubaliano ya EPA mwaka 2007 na kudhamini kujiunga kwao na masoko ya Ulaya.