Mawaziri wapya watangazwa Japan

Waziri mkuu mpya wa Japan Naoto Kan

Waziri mkuu mpya wa Japan Naoto Kan ametangaza baraza lake lipya la mawaziri huku mwanasiasa mkuu wa mrengo wa kushoto Yoshiko Noda akishikilia wadhifa wa waziri wa fedha kama ilivyotarajiwa.

Viongozi wote hao wanaazimia kupunguza sehemu kubwa ya deni la taifa hilo. Wadhifa zingine zilipewa mawaziri waliokuwepo katika baraza la zamani. Bwana Kan alichukua wadhifa huo baada ya kujiuzulu kwa aliyekuwa waziri mkuu Yukio Hatoyama, kutokana na mzozo juu ya kambi ya kijeshi ya Marekani katika kisiwa cha Okinawa.

Umaarufu wa chama tawala cha Democratic ulididimia chini ya uongozi wa Hatoyama na wadadisi wanasema kuwa kuna matumaini kiongozi huyo mpya atasaidia kukikomboa.

UN kuwekea Iran vikwazo vipya

Waziri mkuu wa Iran Mahamoud Ahmedinajad

Baraza la usalama la umoja wa matiafa limeafikia azimio la kuiwekea Iran vikwazo vipya na linatarajiwa kupigia kura azimio hilo hapo kesho.

Vikwazo hivyo vinalenga kudhibiti miradi ya Nuclear ya Iran, na iwapo vitaidhinishwa basi vitaongeza ukaguzi wa bidhaa zinazoingizwa nchini humo na kupunguza kuuziwa nchi hiyo silaha.

Mwandishi wa BBC katika umoja huo amesema kuwa kuna baadhi ya nchi ambazo hazitarajiwi kupigia kura azimio hilo japo hazina kura ya turufu.

Uturuki na Brazil wamesisitiza kuwa vikwazo vipya kwa Iran vitahujumu uhusiano mwema katika eneo hilo na wamesema kuwa kuna matumaini ya kuendeleza uhusiano wa kidiplomasia kutokana na makubaliano ya kubadilishana mafuta ya nuclear walioafikia hivi majuzi.

 BBC SWAHILI