Akon kusambaza umeme Kibera Kenya

Rais Uhuru Kenyatta akiwa kwenye mazungumzo na msanii Akon kwenye Ikulu yake jijini Nairobi.(Picha zote kwa hisani ya ukurasa wa Facebook wa Rais Uhuru Kenyatta).

Na Mwandishi wetu

Mwanamuziki nyota wa R&B kutoka Marekani mwenye asili ya Senegal, Akon amekutana na Rais wa Kenya, Uhuru Kenyatta na kufanya mazungumzo nae juu ya mpango kusambaza umeme katika eneo la Kibera na sehemu nyingine za vijijini zisizokuwa na nishati hiyo.

Mpango huo ni sehemu ya utekelezaji wa mradi wake wenye lengo la kugawa umeme kwa mamilioni ya kaya katika bara la Afrika mpaka kufikia mwishoni mwa mwaka.

”Napenda kumpongeza Akon kwa kuwa mfano wa kuigwa kwa vijana wa kiafrika na napenda kuwatia moyo wengine kuiga mfano wake. Sisi tunaukaribisha mpango huu na tutakuwa nae bega kwa bega” aliandika Rais Uhuru kwenye ukurasa wake wa Facebook.

Rais Uhuru Kenyatta kwenye picha ya pamoja na Akon.

Rais Uhuru Kenyatta akimtembeza Akon kwenye baadhi ya maeneo ya Ikulu ya nchini Kenya mara baada ya mazungumzo.

CHANZO: HIKI HAPA