Padri atishia kuchoma Qurani

Padre Terry Jones.

Padri wa kanisa la kiinjili na wafuasi wake, kuadhimisha kumkumbu ya Septemba 11, kwa kuzichoma Quruani.Maafisa wa utawala wanasema padri huyo wa Florida na wafuasi wake wana haki ya kikatiba kuchoma Quraani, kama walivyofanya hapo zamani waandamanaji waliopinga vita hapa Marekani walipochoma bendera ya Marekani kwenye maandamano.

Lakini wanasema wanamatumaini kuwa kanisa hilo litafikiria tena kuchukuwa hatua hiyo, na kujaribu kutafuta njia nyingine ya kuadhimisha kumbukumbu ya September 11 bila kuchukuwa hatua ambazo zinaweza kuchochea upinzani dhidi ya Marekani na kusababisha ghasia nje ya nchi.

Katika ujumbe wa utawala uliokuwa na maneno makali, ulisema mipango ya padri wa kanisa la kiinjili huko Florida, Terry Jones, haikubaliki, ni chuki na haifai kufanyika, alisema msemaji wa wizara ya mambo ya nje, P.J Crowley.

“Tunadhani vitendo hivi ni vya uchokozi, havina heshima, havistahmiliki, vita leta mgawanyiko na tunafahamu kuwa watu kadhaa wamejitokeza na kupinga kile ambacho padri huyu na wafuasi wake wanataka kufanya. Tungependa kuona wamarekani zaidi wanasimama kidete na kusema jambo hili halipo katika thamini za kimarekani, kwa kweli ni hatua ambazo ni kinyume na maadili ya kimarekani,” alisema Bw. Crowley.

Msemaji huyo alisema kuwa ingawaje ni upinzani dhidi ya msimamo mkali wa kidini, lakini kuchoma Quraani huenda kukachochea msimamo mkali zaidi.

Akielezea onyo la kamanda wa vikosi vya Marekani huko Afghanistan jenerali David Patreus, alisema hatua hiyo inaweza kutumiwa vibaya na kundi la Taliban kueneza propaganda zao. Crowley anasema hiyo inaweza kuwa na athari mbaya kama zilipotolewa picha za wanajeshi wa marekani wakiwaadhibu wafungwa wa kwenye jela ya Abu Ghraib nchini Iraq.

Bw. Crowley anasema ikiwa wataendelea na mpango wa kuchoma Quraani, basi anatumai kuwa watu duniani kote watatambua kuwa kitendo hicho hakiashirii maoni ya wamarekani wengi na wala utamaduni wa Marekani wa ustahmilivu wa kidini.

“Ikiwa jumuiya hii itasonga mbele na mipango yake Jumamosi hii, basi tunatumai kuwa ulimwengu hauta tuhukumu kutokana na vitendo vya padre mmoja na wafuasi wake 50, lakini watatuhukumu kulingana na utamaduni wetu ulionza tangu kubuniwa kwa taifa hili. Hatukuishtaki nchi nzima au dini yote kutokana na vitendo vya September 11 . Na, tunatumai kuwa ulimwengu hautoilaumu Marekani kutokana na vitendo vya kikundi kimoja tu huko Florida,” alisema Bw. Crowley.

Padri huyo wa Florida anasema anazingatia onyo kuhusu uwezekano wa kutokea kwa ghasia dhidi ya wamarekani nje ya nchi, lakini anasema yeye pamoja na wafuasi wake wameshaamua kuwa wataendelea na maandamano yao.

Anasema serikali ya Marekani inafaa kuwaonya waislamu nje ya nchi dhidi ya kufanya kisasi.