Ikulu ya Marekani yalaani mipango ya kuchoma Koran

WASHINGTON

Ikulu ya Marekani imeungana na makundi mengine yanayolaani mipango ya Kanisa moja nchini Marekani kutaka kuchoma moto Koran tarehe 11 ya mwezi huu wa Septemba.Mwanasheria Mkuu wa Marekani, Eric Holder ameiita mipango hiyo kuwa ni ya ''kipumbavu na ya hatari.''Kamanda wa majeshi ya Marekani na Jumuiya ya Kujihami ya NATO nchini Afghanistan, Jenerali David Petraeus, alisema mipango ya Kanisa hilo la Florida kutaka kuchoma moto nakala za kitabu kitakatifu cha dini ya Kiislamu inaweza ikahatarisha maisha ya wanajeshi wa Marekani.Wiki chache zilizopita viongozi katika idara ya moto walitupilia mbali ombi la kufanyika sherehe za kuchoma moto Koran Tukufu katika eneo la wazi.