Brazil waichapa Korea 2-1

BRAZIL NA KOREA KASKAZINI

               BRAZIL wakishangilia goli.

   Ushindi wa taabu wa mabao 2:1 wa mabingwa mara 5 wa dunia-Brazil jana,umepokewa kwa hisia tofauti na mashabiki wa Brazil nyumbani na hata huko Afrika kusini na hasa uamuzi wa kumuacha nje ya kikosi cha Selecao,Ronaldinho: Mashabiki wengi wamlaumu kocha Dunga wakidai Ronaldinho, alistahiki kuwamo ndani ya kikosi hicho.

   Ivory Coast na Ureno, ziliteremka uwanjani jana na kuondoka suluhu 0:0 huku majogoo wao 2-Cristiano Ronaldo na Didier Drogba, hakuna alitia bao.

   Hatahivyo, nahodha wa Ureno,Ronaldo, ndie aliepata nafasi bora kabisa mnamo dakika ya 11 ya mchezo kutia bao,lakini mkwaju wake uligonga mwamba wa lango la Corte d'Iviore.

   Kwa vile, sasa Brazil, imeondoka na pointi 3 kwa kuishinda Korea mabao 2:1, Ivory Coast katika mpambano ujao na Brazil, itapaswa kujizatiti barabara zaidi ,kwani, Korea ya kaskazini , imebainisha ni ngome nzito kuitoboa.

  

New Zealand imetoka sare 1-1 na Slovakia kwenye mechi ya kundi F la Kombe la dunia, katika uwanja wa Rustenburg - Royal Bafokeng.

   Timu za taifa za New Zeland na Slovakia zashindwa kutambiana kwenye michuano ya kombe la dunia baada ya kutoka sare ya kufungana bao 1 kwa 1, katika mechi ya kundi F. Baada ya mechi ya New Zealand na Slovekia, wawakilishi wengine wa Afrika, Ivory Coast ilimenyana na Ureno katika mechi hiyo iliyokuwa ya vuta nikuvute, hadi dakika 90 za mchezo, matokeo yalikuwa sare ya bila kufungana.
   Wakati huohuo, watu wawili wameuawa na wengine 35 kujeruhiwa, baada ya kundi la waasi wa Hizbul Islam kuwashambulia mashabiki wa soka waliokuwa wakishuhudia fainali hizo kwa njia ya luninga karibu na Mogadishu, mji mkuu wa Somalia. Wanamgambo wa kundi hilo waliwafyatulia risasi watu waliokuwa wakiangalia mechi za kombe la dunia, na kusababisha kizaazaa kikubwa. Kundi hilo lenye misimamo ya kufurutu ada liliharamisha kuangalia mashindano ya kombe la dunia.

SVK 

Robert VITTEK alichaguliwa kuwa mchezaji bora wa mechi hiyo