Mlipuko wa bomu wapelekea watu 23 kuauwa na 55 kujeruhiwa nchini Iraq

Hali ya mchafukoge imeendelea kuikumba nchi ya Iraq ambapo watu 23 wameuawa na wengine 55 kujeruhiwa baada ya gazeti lililokuwa limetegwa bomu kuripuka katika mji wa Khales ulioko kaskazini mashariki mwa mji mkuu Baghdad. Mlipuko huo uliotokea sokoni, umesabisha mauaji makubwa zaidi katika kipindi cha wiki nzima iliyopita. Itakumbukwa kuwa Ijumaa iliyopita miripuko miwili ilitokea katika mji wa Tal Afar na kupelekea watu 25 kuuawa na wengine 120 kujeruhiwa.

Machafuko yanaendelea kupoteza maisha ya raia wasio na hatia wa nchi hiyo yenye utajiri mkubwa wa mafuta, ikiwa hivi sasa zaidi ya miaka 7 imepita sasa tangu nchi za Magharibi zikiongozwa na Marekani ziivamie nchi hiyo mwaka 2003 kwa kisingizio cha kutafuta silaha za maangamizi ya umati.