Vita vya mtandaoni vyakaribia

Mkutano wa mizozo ya mtandaoni uliofanyika nchini Estonia hivi karibuni .

Hadi  hivi  sasa  kumefanyika    vita  vya  ardhini, majini  na angani.  Sasa  kunakuja  aina  nyingine  kabisa  ya  vita. Vita  vya  mawasiliano mtandaoni. Hali  inayozidi  kukua  ya kutegemea  zaidi   miundo  mbinu  ya  teknolojia  ya mawasiliano  inaelekeza  katika   hali  isiyo  salama  ya kushambuliwa  mawasiliano  hayo. Majeshi   pamoja   na idara  za  usalama  yamekwisha  iona  hali  hiyo  kwa  muda mrefu  na  wameanza  kulishughulikia  suala  hilo kikamilifu. 

 Kwa  kifupi, ufanisi  wa  kiuchumi  wa  Marekani  katika karne  ya  21, utategemea  sana, usalama  wa  mawasiliano ya  mtandao.

Ni  ukweli  usiokanika  kutoka  kwa  rais  wa  Marekani Barack  Obama. Katika  mwezi  wa  Mei  , mwaka  2009 alikuwa  rais  wa  kwanza  wa  Marekani  kuweza kuzungumzia  katika  hotuba  yake  kuhusu  usalama  wa mawasiliano  ya  mtandao. Obama  amesisitiza    hatari  ya kutegemea  mtandao  wa  kompyuta,    mafuta  na  gesi, umeme  na  maji,  vitu  ambavyo  upatikanaji  wake unaweza  kuvurugwa  pamoja  na   usalama  wa  safari  za ndege  ulivyo  katika  hatari. Kutokana  na  kukabiliwa  na hali  hii  isiyo  salama rais  Obama  anataka  mfumo  wa kuulinda  mtandao.

Ni  kweli  kwamba  katika  dunia  ya  leo  vitendo  vya ugaidi vinaweza  kutokea  , sio  tu  kwa  watu  wachache wenye  imani  kali   wanaovaa  mikanda  ya  kujilipua, lakini kwa  kugusa  vitufe  vichache  tu  katika  kompyuta. Silaha ya  amaangamizi.

Mwaka  mmoja  baada  ya  hotuba  hii,  tarehe  21  Mei 2010  Jenerali  Keith  Alexander  alitunukiwa  nyota  yake ya  nne. Mkuu  wa  idara  ya  usalama  wa  ndani, NSA,  na pia  alipokea  wadhifa   wa  kamanda  wa  idara  ya mawasiliano   katika  mtandao. Idara  ya  NSA  inakuwa idara  kuu  ya  ujasusi  na  yenye  mamlaka   katika Marekani. NSA  ni  mwajiri  mkuu  duniani   hivi  sasa   wa wataalamu  wa  hesabu. Kutokea  katika  makao  yake makuu  mjini  Fort  Mead,  idara  hii  inaangalia mawasiliano  yote  ya  mtandaoni  duniani  kote, kuchunguza  na  kutambua  maandishi  ya  siri, pamoja  na kuyatathmini. wakati  Keith  Alexander  alipoanza  kazi rasmi  kama  mkuu  wa  kamandi  ya  mawasiliano  ya mtandaoni, hapo  Juni  3, aliielezea  hali  kuwa  ya  kutisha. Mara  milioni  sita  kila  siku, unashambuliwa  mfumo  wa mtandao  wa  wizara  ya  ulinzi, anasema  Alexander  na hali  hiyo  inaendelea.

Utajiri  wa  Marekani  na  nguvu  zake  unaifanya  nchi  hii kuwa  lengo  la  mashambulizi  katika  mtandao  wa mawasiliano. Na  moja  kati  ya  nguzo  za   nguvu  zetu, jeshi  letu, iko  katika  hatari, huenda  katika  kiwango  cha juu  kabisa.  Jeshi  letu  linategemea  mtandao  wake  ili kufanya  udhibiti  wa  uongozi, mawasiliano, ujasusi, uendeshaji  na  usafirishaji  wa  vitu  mbali  mbali. Katika idara  ya  ulinzi  tuna  zaidi  ya  mashine  milioni  7  za kuzilinda ambazo zimeunganishwa  katika  karibu mitandao  15,000.

Mwaka  mmoja  uliopita   waziri  wa  ulinzi  wa  Marekani Robert  Gates  alisema  kuwa  idadi  ya   wataalamu  wa usalama  wa  mtandao  wa  kompyuta  waongezwe  mara nne. Na  hii  sio  tu  kwa  ajili  ya  kujilinda  na  kulinda mfumo  wa  nchi  hiyo  tu.  Mtaalamu  wa  masuala  ya kompyuta  nchini  Marekani  Herbert  Lin , anazungumzia pia  kuhusiana   baadhi  ya   mashambulizi  haya. Anasema kuwa   mataifa  kadha   yanajaribu  kujilinda  na  pia kushambulia  katika  mtandao. Lakini  mjadala  wa    wazi unatuwama  hususan  katika  viwango  vya  kujilinda. Ni watu  wachache  sana   wameweza  kuzungumzia  kuhusu viwango  vya   mashambulio, lakini   hii  ni  sehemu muhimu  ya  sera  za  usalama   katika   mtandao.

Mwandishi : Matthias von Hein / Sekione  Kitojo.