TANGAZO LA KUTENGENEZA NEMBO

JAMHURI YA MUUNGANO WA TANZANIA

WIZARA YA MALIASILI NA UTALII

WAKALA WA HUDUMA ZA MISITU TANZANIA

TANGAZO LA KUTENGENEZA NEMBO, RANGI, HERUFI NA KAULI MBIU

YA TAASISI

Wakala wa Huduma za Misitu Tanzania ni wakala wa serikali unaojitegemea ulioanzishwa chini ya Sheria ya Wakala namba 245 (Executive Agency Act [Cap. 245]) na umeandikishwa katika Tangazo la Serikali (Government Notice) Namba 269 iliyochapishwa kwenye Gazeti la Serikali la tarehe 30 Julai 2010.

Wakala wa Huduma za Misitu Tanzania unahusika na shughuli za kiutendaji za kuendeleza raslimali za misitu na nyuki zilizohifadhiwa kitaifa, misitu ya kupandwa na misitu iliyoko nje ya hifadhi. Pia inahusika na kuboresha mazao ya nyuki na kuendeleza hifadhi za nyuki na manzuki.

Lengo la kuanzishwa kwa wakala huu ni kuboresha usimamizi na uhifadhi wa raslimali za misitu na nyuki ili kuhakikisha upatikanaji endelevu wa mazao na huduma bora za misitu na ufugaji nyuki kwa kushirikiana na wadau wengine.

DIRA

Kuwa kielelezo cha uhifadhi bora na upatikanaji endelevu wa mazao na huduma za misitu na nyuki Tanzania.

DHAMIRA

Kusimamia kwa misingi endelevu raslimali za misitu na nyuki kwa ajili ya kuchangia katika mahitaji ya kijamii, kiuchumi, ki-ikolojia na ki-utamaduni kwa kizazi cha sasa na kijacho.

MAJUKUMU YA WAKALA

o Kuanzisha na kuendeleza misitu ya hifadhi na hifadhi za nyuki za serikali kuu

o Kuanzisha na kuendeleza mashamba ya miti na manzuki za serikali kuu

o Kusimamia na kuendeleza raslimali za misitu na nyuki zilizoko kwenye ardhi ya jumla

o Kusimamia utekelezaji wa sheria za misitu na ufugaji nyuki katika maeneo yake ya usimamizi wa raslimali kisheria

o Kuelimisha umma kwa njia ya uenezi katika maeneo ya wakala

o Kuendeleza raslimali watu

o Kukusanya maduhuli yatokanayo na mazao na huduma za misitu na ufugaji nyuki

o Kulinda mali za wakala, na

o Kufanya biashara ya mazao na huduma za misitu na ufugaji nyuki

Hivyo, Wakala wa Huduma za Misitu Tanzania, unakaribisha wabunifu wote wenye uwezo, wakiwa kama binafsi au kampuni, kuleta kazi zao kwa ajili ya kushindanishwa.

MATUMIZI YA NEMBO

Wazo hili litagusa maeneo mbalimbali ya taasisi ikijumuisha na matumizi mapana kwenye kazi za kila siku za taasisi. Kazi hii itatumika kuonesha sura halali na kamili ya taasisi ikijumuisha maeneo yafuatayo:

o Nembo

Lazima Iwe rahisi kutambulika ambapo itatumika kwenye;

Ø Magari na vyombo vingine vya usafiri

Ø Majengo

Ø Mabango

Ø Business cards

Ø Stationeries

Ø Risit na Ankara,

Ø Mifuko na mabegi

Ø Vipeperushi

Ø Tovuti

Ø Tshirts

Ø TV graphics

Ø Na kwingine

o Kauli Mbiu

Ø Iwe ya kuvutia na ya maneno machache

o Rangi

Rangi itakayovutia na kujulikana kwa jina na namba kwenye computer kwa matumizi kwenye vifaa vifuatavyo na vinginevyo:

· Magari

· Nyumba

· Ofisi

· Sare

· Tshirts

o Herufi

Pendekeza aina ya herufi ya computer itakayotumika pamoja na ukubwa wake (Font type and size)

ANGALIZO

o Nembo ziwe kwenye nakala mbili moja ya rangi (coulored) na nyingine isiyo na yangi (Black and White).

o Kazi hii iletwe kwenye mfumo wa DVD/CD

o Nembo isipungue 5Mb na isizidi 10Mb

o Nembo iwe na tafsiri ya Kiswahili na Kiingereza

NAMNA YA KUTUMA

Mshiriki alete kazi yake kwa EMS au barua iliyosajiliwa ndani ya bahasha iliyofungwa vizuri ikiambatana na maelezo mafupi ya mchoro utakaoleta na atume kwa anuani ifuatayo:

Mwenyekiti

Kamati ya Kutafuta Nembo ya Taasisi

WAKALA WA HUDUMA ZA MISITU TANZANIA

Jengo la Mpingo

40 Barabara ya Julius Nyerere

15472

DAR ES SALAAM

Mshiriki anatakiwa kutuma barua yenye kuonesha wazi anuani ya posta, simu na baruapepe yake. Pamoja na barua hiyo, mshiriki aambatishe wasifu wake binafsi na picha yake ya rangi.

TAREHE YA MWISHO YA KULETA KAZI

Mwisho wa kuleta kazi hii ni tarehe 5 Septemba, 2014. Mshindi atatangazwa ifikapo tarehe 15 Septemba, 2014.

Kazi hii itakuwa na zawadi ya shilingi milioni mbili kwa mshindi atakayepatikana.

Imetolewa na:

Mtendaji Mkuu

WAKALA WA HUDUMA ZA MISITU TANZANIA