WAANDISHI, POLISI WAJERUHIWA KATIKA VURUGU ZA WANANCHI MKOANI IRINGA JANA

Wananchi wakiishambulia nyumba yenye wanahabari, watuhumiwa na polisi kwa mawe.
Nguo za majeruhi ambaye alijeruhiwa kwa risasi baada ya kutaka kuwachoma moto wanahabari na polisi ndani ya nyumba hiyo.
Mwanahabari wa kituo cha radio Overcomers Fm, Devota Romanus, akiwa wodi namba 7 katika Hospitali ya mkoa wa Iringa baada ya kujeruhiwa mguu wake wa kushoto kwa mawe.
Askari polisi aliyejeruhiwa akipelekwa wodini kulazwa.
Majeruhi wa mapingano hayo.
Magari ya mfanyabiashara huyo yakiwa yamevunjwa vioo kwa mawe.
Mwandishi akisaidiwa kutolewa eneo la mapigano.Nyumba ya mfanyabiashara huyo ikiwa imevunjwa na wananchi.
Umati wa wananchi wa mji wa Iringa wakikimbia mabomu ya machozi.
ZAIDI ya watu 10 wakiwemo askari wanne na wanahabari wamejeruhiwa huku baadhi yao wakitibiwa na kuruhusiwa na wengine kulazwa katika Hospitali ya mkoa wa Iringa baada ya kuibuka kwa mapigano hayo kati ya polisi na wananchi, mapigano ambayo yametokana na imani potofu za wananchi katika kuamini ushirikina.

Wananchi hao zaidi ya 200, walivamia nyumba ya mzee wa kanisa moja la Kilokole katika mji wa Iringa eneo la Frelimo jina limehifadhiwa kwa sababu za kimaadili.

Hata hivyo pona ya wanahabari na polisi waliokuwa wamefungiwa ndani ya nyumba hiyo na kushambuliwa kwa mawe na kunusurika kuteketezwa kwa moto wakiwa ndani ya nyumba hiyo, ilionekana baada ya askari polisi wa FFU kutumia mbinu kubwa ya kulazimika kutumia risasi ya moto kumshambulia mguuni mmoja kati ya watu wanaodaiwa kutaka kuongoza wengine kuichoma moto nyumba hiyo iliyokuwa na wahahabari, polisi na mchungaji mmoja.

Baadhi ya wananchi wamelipongeza jeshi la polisi mkoa wa Iringa kwa kuokoa maisha ya wanahabari hao na watu wengine zaidi ya 10 ambao walikuwa katika hatari ya kuuwawa na wananchi hao.

Wananchi hao walionekana kuongezeka idadi baada ya FFU kuwatisha kwa mabomu ya machozi huku wakidai kuwa mabomu hayo hayaui na bila polisi kupata mbinu ya haraka ya kutumia risasi ya moto zaidi ya watu hao 10 wakiwemo wanahabari waliokuwa ndani ya nyumba hiyo wangeweza kuuawa na wananchi hao ambao waliondoa imani na kikosi hicho kuwa wamehusika kuificha misukule hiyo.
PICHA NA HABARI KWA HISANI YA: FRANCIS GODWIN BLOG