Makocha 5 Wakaa mkao wa kula

Shrikisho la mpira wa miguu Tanzania "TFF" limetangaza kuwa makocha watano wa nchi za Ulaya ndio walio katika nafasi nzuri ya kufundisha timu ya taifa ya Tanzania "Taifa Stars".

Akizungumza na vyombo vya habari jijini jana katibu mkuu wa TFF bwana David Mwakalebela amesema makocha kutoka nchi tano za Ulaya ndio waliofuzu hatua ya mwisho katika mchakato wa kumpata kocha  huyo.

Akiendelea bwana mwakalebela alizitaja nchi wanazotoka makocha hao ni pamoja na Bulgaria, Portugal, Denmark, Poland na Serbia. Tayari makocha hao kutoka nchi hizo tano wamepewa notisi ya kuja Dar es Salaam kwa ajili ya usahili wa mwisho.