Nyota wa Ghana wapepea bendera ya Afrika

Bastian Schweinsteiger(kushoto) na Lukas Podolski(kulia) wa Ujerumani, wakikwaruzana na Kwadao Asamoah wa Ghana (kulia) katika mchuano wa Kombe la Dunia uwanjani Soccer City, Johannesburg. 

Wayne Rooney wa Uingereza(katikati) akikumbana na Aleksander Radosavljevic na Miso Brecko(kulia) wa Slovenia katika mchuano wa Kombe la Dunia

Ujerumani imesonga mbele katika duru ya pili ya michuano ya kuwania Kombe la Dunia inayoendelea nchini Afrika Kusini.

Hiyo jana, Ujerumani ilinusurika, baada ya kuilaza Ghana kwa bao 1-0 katika mchezo wa kufa kupona, pande hizo mbili zilipokumbana uwanjani Soccer City mjini Johannesburg.

Baada ya kuchuana kwa dakika sitini nzima, Mesut Oezil wa Ujerumani, aliuvurumisha mpira katika wavu wa Ghana na hivyo kuinusuru Ujerumani kufunga virago na kurejea nyumbani katika duru ya mwanzo ya Kombe la Dunia kwa mara ya kwanza kabisa.

Hata hivyo, Ghana iliitoa jasho Ujerumani na imethibitisha kuwa wao kweli ni nyota. Ghana ni timu pekee kutoka Afrika kubaki katika kundi la timu 16 za mwisho, katika kinyanganyiro hicho cha Kombe la Dunia nchini Afrika Kusini. Nyota hao wa Ghana, watakumbana na Marekani jumamosi ijayo. Hiyo jana Marekani iliifunga Algeria bao 1-0 na Australia nayo iliicharaza Serbia mabao 2-1.Uingereza pia hiiyo jana ilinusurika kufunga virago, baada ya kuikandika Slovenia bao 1-0.

Uingereza itateremka tena uwanjani siku ya Jumapili kwa mchezo unaongojewa kwa hamu kubwa. Siku hiyo, Uingereza itakwaruzana na Ujerumani. 

Bendera ya Palestina yapeperushwa hewani mechi ya Algeria na Marekani

Uwanja wa Loftus Versfeld huko Tshwane mjini Pretoria jana ulishuhudia kupeperushwa bendera ya Palestina wakati Bill Clinton, Rais wa zamani wa Marekani alipokuwa katika uwanja huo kushuhudia mechi kati ya nchi yake na Algeria.
Bendera hiyo Palestina ilikuwa kivutio kikubwa kwa waandishi wa habari, wapiga picha na mashabiki waliokuwepo uwanjani hapo hususan kutokana na kuwa si timu ya Palestina iliyokuwa inacheza na Marekani.
Shabiki mwingine alikuwa amejiandika Allahu Akbar na Ghaza Madhlumu na kulikuwa pia na maandishi ya Lan Nansaaka Ghaza yaani kamwe hatuwezi kukusahau Ghaza, yote hayo yakionyesha uungaji mkono wao kwa wananchi wanaodhulumiwa wa Palestina.

Ingawa mechi hiyo ilikuwa ni kati ya Marekani na Algeria ambayo ni nchi za Kiarabu na Kiislamu lakini kitendo hicho cha mashabiki kilitoa ujumbe maalumu kwa Wamarekani huku maafisa usalama apolisi waliokuwepo kwenye uwanja huo wakiwaacha mashabiki hao bila ya kuwafanya chochote.

Marekani inaziunga mkono kibubusa jinai za utawala wa Kizayuni wa Israel huku wananchi wa Ghaza wakiendelea kuteseka kutokana na jinai hizo za Wazayuni

ENG-Jermain DEFOE

Katika mtanange huo Mchezaji Jermain DEFOE wa England alichaguliwa kuwa mchezaji bora wa mechi hiyo kati ya England na Slovenia.

USA-Landon DONOVAN

Katika mtanange huo Mchezaji Landon DONOVAN wa USA alichaguliwa kuwa mchezaji bora wa mechi hiyo kati ya USA na Algeria

GER-Mesut OEZIL

Katika mtanange huo Mchezaji Mesut OEZIL wa Germany alichaguliwa kuwa mchezaji bora wa mechi hiyo kati ya Germany na Ghana.

AUS-Tim CAHILL

Katika mtanange huo Mchezaji Tim CAHILL wa Australia alichaguliwa kuwa mchezaji bora wa mechi hiyo kati ya Australia na Serbia.