Nchi za Afrika Mashariki kusimamia uchaguzi wa rais nchini Burundi

Jumuiya ya Afrika Mashariki EAC itatuma timu ya wasimamizi wa uchaguzi wa rais nchini Burundi unaotarajiwa kufanyika nchini humo siku chache zijazo. Taarifa ya jumuiya hiyo iliyotolewa mjini Dar es Salaam Tanzania imeeleza kuwa, kundi hilo la watu 24 litasimamia zoezi la uchaguzi huo uliopangwa kufanyika tarehe 28 mwezi huu. Hadi hivi sasa kuna hitilafu kati ya serikali na waasi wa zamani wa Burundi juu ya kugawana madaraka ya kisiasa na kijeshi, na suala hilo limepelekea kutotelekezwa kikamilifu makubaliano ya kusitisha mapigano ya mwezi Septemba mwaka 2006. Wiki chache zilizopita ulifanyika uchaguzi wa madiwani, lakini mrengo wa upinzani ulilalamikia zoezi zima la uchaguzi huo uliokipatia ushindi chama tawala cha CNDD FDD. Wapinzani nchini Burundi, kwa kauli moja wametangaza kususia uchaguzi wa rais, na kusababisha kuibuka hali ya wasiwasi ya kutokea tena mapigano nchini humo.