Mfuko wa Fedha wa Kimataifa: Uchumi wa Tanzania unakua kwa kasi

Mfuko wa Fedha wa Kimataifa IMF umetangaza kuwa uchumi wa Tanzania unakuwa kwa kasi isiyo ya kawaida. IMF imeongeza kuwa uchumi wa nchi hiyo utakuwa na kufikia asilimia 6.7 mwaka ujao kinyume na makadirio ya hapo awali ya asilimia 6.2. Mwaka uliopita uchumi wa Tanzania ulikuwa kwa asilimia 6. Taarifa ya IMF imesema kuwa hali hiyo ya ukuaji wa kasi wa uchumi wa Tanzania imetokana na kupungua kwa bei ya vyakula kutokana na kuongezeka kwa mazao ya vyakula hivyo mwaka uliopita. ************************* Bunge la Kenya lapitisha sheria inayoipa serikali uwezo   wa kudhibiti bei   Bunge la Kenya limeidhinisha sheria inayoipa serikali uwezo wa kudhibiti bei za bidhaa muhimu kama vile chakula na mafuta ya petroli. Sheria hiyo ambayo ilikuweko huko nyuma lakini ikaondolewa katika mwongo wa 90 itaipa serikali nguvu ya kuzuia wafanya biashara kupandisha ovyo bei za bidhaa muhimu kama wanavyofanya hivi sasa. Mwanabiashara atakayepatikana akiongeza bei za bidhaa bila ya idhini ya serikali atachukuliwa hatua kali za kisheria. Serikali imekaribisha hatua hiyo ikisema kuwa waliokuwa wakijitajirisha kwa njia isiyo ya halali sasa hawana tena nafasi hiyo. Hata hivyo mawaziri wengi wa serikali wamepinga sheria hiyo wakisema kuwa inatishia mustakabali wa uchumi wa nchi hiyo.