Italia yaaga kwenye kombe la dunia

Mabingwa watetezi wa kombe la dunia, timu ya taifa ya soka ya Italia imeyaaga mashindano hayo, baada ya kukandamizwa mabao 3 kwa 2 na timu ya taifa ya Slovakia. Hata hivyo Italia itapaswa ijilaumu yenyewe baada ya kuleta kikosi cha wachezaji wakongwe, ambao wameshindwa kuhimili mikikimikiki ya wachezaji wenye damu changa kwenye michuano ya kombe la dunia. Kwenye mechi nyingine, timu za Paraguay na New Zealand zimetoka sare ya bila ya kufungana, kwenye mechi kali iliyochezwa kwa wakati mmoja na ile ya Italia na Slovakia. Kwa matokeo hayo, Paraguay inaongoza kwenye kundi hilo ikifuatiwa na Slovakia iliyoshika nafasi ya pili, na timu hizo mbili zimepata tiketi za kusonga mbele katika hatua ya mtoano. Muda mchache ujao, wawakilishi wa Afrika, Cameroon watajitupa uwanjani kwa kucheza na Uholanzi, na Denmark itatoana jasho na Japan.

.

SVK-Robert VITTEK
Katika mtanange huo Mchezaji Robert VITTEK wa Slovakia alichaguliwa kuwa mchezaji bora wa mechi hiyo kati ya Italy na Slovakia.

PAR-Roque SANTA CRUZ

Katika mtanange huo Mchezaji Roque SANTA CRUZ wa Paraguay alichaguliwa kuwa mchezaji bora wa mechi hiyo kati ya Paraguay na New Zealand