NI LINI MCHEZO WA PIKIPIKI 'RIDER' UTATHAMINIKA???? WAZIRI WA MICHEZO TOLEA MACHO NA HUKU

 Ni mchezo wa hatari na unaotia woga kama hujawahi kuendesha Pikipiki unapoona wakikimbizana na kupitana katika kona kali na kuruka matuta huku wakionyesha mbwembwe kibao wakiwa kwenye mwendo mkali.

 Lakini pia ni mchezo mzuri na unaovutia hata ukiwa ni mara yako ya kwanza kuushuhudia kwa hakika utavutiwa na kuulizia ratiba za mchezo huu ili uweze kujipanga na ratiba zako uweze kuwa wakifika kwenye Viwanja wa Tanganyika Parkers Kawe jijini Dar es Salaam, kujionea mwenyewe bila kiingilio usisubiri kuadithiwa.

Aidha ni miongoni mwa michezo inayopendwa zaidi duniani ukiondoa Soka, lakini kwa hapa kwetu nchini Tanzania bado mchezo huu unaonekana kutelekezwa na kutopewa kipaumbele na wadau na wahusika wa michezo na hata viongozi kiasi cha kuufanya mchezo huu kubaki kuwa ni wa kujifurahisha tu tena wenyewe kwa wenyewe tena katika eneo lisilo rasmi kwa mchezo huu pale maeneo ya Kawe, baada ya wachezaji wenyewe kujichagulia eneo hilo na kuanza kufanya mazoezi yaliyowavutia baadhi ya watu ambao wameonekana kuupenda na kujikuta kila siku ya jumapili wakifika Kawe kushuhudia.

Kwa hakika hata wadhamini pia wameonekana kutoutilia maanani mchezo huu, na wengi wakionekana kuwekeza zaidi kwenye mchezo wa Soka na mingineyo, huku vipi?????.

Kiukweli wadau tumeutupa sana mchezo huu ambao kiuhakika unaweza kutuletea hata medali nyingi tu kimataifa kutokana na wachezaji wengi wazuri wanaojitolea kwenda kushiriki mashindano ya kimataifa kimya kimya na kufanya vizuri, ambapo pia wengi wao hawajaweza kutoka nje ya Afrika Mashariki. Wazir wa Michezo Tafadhali mchezo huu tunaomba uuangalie kwa jicho la pili na ikiwezekana ukutane na wachezaji hawa ili kuzungumza nao ikibidi kuwasaidia kupata wadhamini na kuwatengenezea uwanja ili waweze kuwaalika hata wenzao ambao wamekuwa wakiwaalika kimataifa.

 Wachezaji hao wakiwa katika mazoezi Jumapili iliyopita.

 Wakiruka matuta.......

 Mashindano ya wenyewe kwa wenyewe yakiendelea....

Wapo wazuri zaidi ha hawa pia......