KIKOSI CHA TAIFA STARS CHATUA SALAMA JOHANNESBURG KUJIANDAA KUWAKABILI MSUMBIJI JUMAPILI HII-MAPUTO

Na Boniface Wambura, Johannesburg

Kikosi cha Taifa Stars kimewasili salama jana (Julai 30 mwaka huu) hapa Johannesburg kwa ajili ya maandalizi ya mwisho kabla ya kwenda Maputo, Msumbiji kwa ajili ya mechi dhidi ya Mambas itakayochezwa Jumapili ya wiki hii.

Stars inayodhaminiwa na Kilimanjaro Premium Lager imefanya mazoezi mara mbili leo- asubuhi na jioni kwenye uwanja wa Bedfordview Country Club. Mazoezi ya mwisho yatafanyika kesho asubuhi (Agosti 1 mwaka huu) kabla ya baadaye jioni kuanza safari ya Maputo.

Wakati huo huo, Balozi wa Tanzania hapa Afrika Kusini, Razia Msuya baadaye leo jioni atazitembelea timu zote mbili za Tanzania zilizopo hapa Johannesburg kusalimia wachezaji.

Serengeti Boys yenyewe ipo hapa tangu Julai 27 kwa ajili ya mechi dhidi ya Afrika Kusini itakayochezwa Jumamosi (Agosti 2 mwaka huu).

Boniface Wambura

Ofisa Habari na Mawasiliano

Shirikisho la Mpira wa Miguu Tanzania (TFF) 

KWA MAWASILIANO ZAIDI BOFYA NAMBA HIIB +27609217526