NGOMA INOGILE…”UKAWA HATUREJEI BUNGENI KATU”

Godbless Lema Mbunge wa Arusha mjini akiwahutubia wananchi waliojitokeza kukiunga mkono chama hicho katika viwanja vya Orofea mkoani Iringa

 =====

Na Mathias Canal, Kwanza Jamii-Iringa.

Ukawa waendelea na msimamo wa kutorejea kwenye  bunge la katiba kutokana na katiba hiyo kutokidhi matakwa ya watanzania walioshiriki kutoa maoni yao ambayo kwa sasa yamebadilishwa na kuwa mawazo ya wachache.

Hayo yamebainishwa na Mbunge wa Arusha mjini Godbless Lema alipozungumza na Kwanza Jamii ili kutaka kujua msimamo wa ukawa kurejea kwenye bunge la katiba mapema mwanzoni mwa mwezi wa nanae.

Lema amesema kuwa huo ni msimamo wa Ukawa unaoundwa na chama cha NCCR Mageuzi, CUF na CHADEMA lakini pia ni msimamo wa wenyeviti wa vyama hivyo vya ukawa.

Lema ameongeza kuwa lengo la kuondoka bungeni ni kutokana na chama tawala kutaka kuleta msimamo wao badala ya maoni ya wananchi kwani lengo lao sio kutengeneza katiba yenye kurasa tofauti bali ni katiba yenye maudhui na malengo tofauti dhidi ya binadamu,katiba ambayo itajali haki, kweli, na katiba ambayo itajali demokrasia.

Kuhusu urafiki wao na CUF wakati hapo awali kulikuwa na vijembe vya hapa na pale amesema kuwa urafiki wao umeunganishwa na malengo ya msingi ambayo malengo hayo ni katiba iliyo bora yenye malengo mazuri,misingi mizuri iliyojaa uadilifu nchi itakuwa na amani.

Lema amesema kuwa Ukawa haitaishia kwenye bunge la katiba bali utafika mbali zaidi na hatimaye mwaka 2015 mahali amabpo CHADEMA watasimamisha mgombea NCCR MAGEUZI hawatasimamisha vivyo hivyo kwa chama cha CUF.

Kutafuta haki kuna njia nyingi, hivyo Njia ya kupata katiba iliyobora hapa Tanzania ni pamoja na maandamano, mikutano ya hadhara, ama kuandamana ili kufikisha ujumbe dunia kwamba kinachoendelea bungeni sio sahihi.

Sambamba na hayo Lema ameongeza kuwa Ukawa inataka Katiba mpya itakayo kataa ufisadi, itakayotatua kero za muungano,itakayotambua haki za binadamu mahakamani na polisi, itakayotambua maslahi bora ya wananchi wake, itakayolinda utu wa binadamu katika taifa lake , itakayo mpunguzia rais madaraka yake, Katiba ambayo Mawaziri hawata kuwa wabunge, pamoja na kutokuwepo kwa wakuu wa wilaya na mikoa.

CHANZO: MJENGWA BLOG