Airtel yakabadhi kompyuta nne kwa Shule ya Sekondari Mlangarini Arumeru Arusha

Ofisa Uhusiano wa kampuni ya simu za mkononi ya Airtel, Jane Matinde akikambidhi sehemu ya msaada wa kompyuta nne kwa Mbunge wa Arumeru Magharibi na Naibu Waziri wa Ardhi , nyumba maendeleo na makazi, Bw. Goodluck Ole Medeye kwa ajili ya Shule ya Sekondari ya Mlangarini iliyoko Wilayani Arumeru Mkoani Arusha.

Ofisa Uhusiano wa kampuni ya simu za mkononi ya Airtel, Jane Matinde akimuelekeza jambo Mbunge wa Arumeru Magharibi na Naibu waziri wa Ardhi, nyumba maendeleo na makazi, Bw. Goodluck Ole Medeye baada ya kumkabidhi kompyuta nne kwa ajili ya Shule ya Sekondari ya Mlangarini iliyoko Wilayani Arumeru Mkoani Arusha na kushoto ni Diwani wa kata ya Mlangarini, Bw.Mathias Erasto akishuhudia tukio hilo.

Mwalimu Mkuu wa Shule ya Sekondari ya Mlangarini iliyoko Wilayani Arumeru Mkoani Arusha, Bw. Elisa John Pallangyo akitoa maneno ya shukrani kwa kampuni ya simu ya Airtel kwa msaada mkubwa walioutoa kwa ajili ya shule hiyo, pichani kati ni mgeni rasmi wa tukio hilo, Mbunge wa Arumeru Magharibi na Naibu Waziri wa Ardhi, nyumba maendeleo na makazi, Bw. Goodluck Ole Medeye, sambamba na Diwani wa kata ya Mlangarini, Bw.Mathias Erasto akishuhudia tukio hilo na kushoto ni Ofisa Uhusiano wa Airtel.

========

Kampuni ya simu za mkononi ya Airtel leo imetoa kompyuta nne kwa shule

ya sekondari Mlangarini iliyoko wilayani Arumeru Mkoani Arusha ikiwa

ni moja wapo kati ya shughuli za kutoa huduma zinazofanywa na kampuni

hiyo kwa jamii huku lengo hasa likiwa ni kukuza sekta ya elimu nchini.

Akizungumza kwa niaba ya kampuni ya simu za mkononi ya Airtel, Afisa

Uhusiano wa Airtel, Jane Matinde alisema, Airtel inajisikia faraja

kutembelea shule ya Mlagarini na kuwapatia kompyuta zitakazowawezesha

kupata vitabu mbalimbali kwa njia ya mtandao na kutoa fulsa kwa

wanafunzi wa sekondari kujifunza kutumia kompyuta wakiwa bado

mashuleni. Aidha aliahidi kuwa Airtel itaendelea kushirikiana na

serikali kupitia wizara ya elimu katika kuhakikisha elimu mashuleni

inaboreshwa.

Akiongea baada ya kukabidhiwa kompyuta hizo, Mbunge wa Arumeru

Magharibi na Naibu waziri wa Ardhi Nyuma Maendeleo na Makazi, Bw.

Goodluck Ole Medeye alisema, "tunashukuru sana kampuni ya simu za

mkononi ya Airtel kwa kuipatia Shule ya Sekondari Mlangarini kompyuta

zitakazowawezesha kupata habari na vitabu mbalimbali kwa njia ya

mtandao, kompyuta hizi zitarahisisha sana upatikanaji wa nyezo muhimu

za elimu kwa wanafunzi na walimu kwa kupitia mtandao.

Pia aliwaasa wanafunzi wa Mlangarini kutumia fulsa hiyo kujifunza na

si kutumia kompyuta hizo kuangalia mambo yasiyofaa katika internet, Ole

Madeye aliendelea kuwaasa na kuwapa changamoto wanafunzi kuweza

kupanua akili na kuwa wavumbuzi wa vifaa muhimu vitakavyosaidia

jamii kama ilivyovumbuliwa kompyuta.

Pamoja na haya alifafanua kuwa kompyuta hizo zitatumika pia kwa wakazi

wa maeneo hayo kwani makitaba ya wilaya itakuwa hapa shuleni hivyo

basi wakazi wa wilaya ya Arumeru watapata fulsa ya kutangaza biashara

zao kwa kupitia mtandao na kuweza kupata taarifa muhimu zitakazo

wasaidia katika kuboresha biashara zao na shughuli muhimu za wilayani

hapo pia aliongeza Madeye.

Naye Diwani wa kata ya Arumeru, Bw Mathias Manga alichukua fulsa pia

kuwashukuru kampuni ya simu za mkononi ya Airtel na kuwaasa wanafunzi

kutumia kompyuta hizo vizuri na kuzitunza ili zisaidie wanafunzi wengi

zaidi shuleni hapo. Aliwaasa wanafunzi hao kuchukua nafasi hii ya pekee

kujifunza na kutumia kompyuta hizo katika kujijenga kielimu na

kitaaluma zaidi.

Akitoa shukrani, mwalimu mkuu wa shule, Elisa John Pallangyo

ameipongeza Airtel kwa kuwafikishia msaada muhimu shuleni hapo na

kuahidi kwa kupitia msaada kiwango cha elimu shuleni hapa kitapanda

kwani changamoto mbalimbali walizokuwa nazo kama vile internet,

upatikanaji wa nyenzo muhimu katika kufundishia zitapungua kwa kiasi

kikubwa sana.

Kampuni ya simu za mkononi ya Airtel imekuwa ikitoa misaada mbalimbali

kama vile Vitabu vya shule ya sekondari, kuchangia katika huduma za

afya ambapo wiki iliyopita waligawa baiskeli kumi katika vituo vya

afya wilayani Misungwi na kutoa mchango wao pia katika sekta ya

michezo kwa kudhamini michezo mbalimbali nchini.