Kuanzishwa Mahakama ya Kadhi nchini Tanzania bado kitendawili:

 

Suala la kuanzishwa Mahakama ya Kadhi nchini Tanzania, linaonekana kuwa bado ni kitendawili ambacho hakijateguliwa.

Jana Jopo la Masheikh na wanasheria Waislamu, lilitangaza hoja tatu muhimu ambazo ni sehemu ya hoja zitakazorejeshwa serikalini, kufanyiwa kazi zaidi kabla ya kuanzishwa kwa Mahakama ya Kadhi nchini Tanzabnia. 

Mufti Mkuu wa Tanzania Sheikh Issa Shaabani Simba ambaye ni Mwenyekiti wa jopo hilo lenye wajumbe 25, amesema kuwa, kabla ya kubainisha hoja hizo, walipokea na kujadili mapendekezo kuhusu namna ya uanzishwaji wa mahakama hiyo. 

Akizungumza na waandishi wa habari katika Ofisi za Baraza la Waislamu Tanzania (Bakwata) jana, Mufti Simba amesema, mapendekezo hayo yalipelekwa kwao kutoka katika kikao cha Sekretarieti ya Serikali na Waislamu. Kati ya mambo hayo ambayo masheikh hao wanataka kujadili upya na Serikali, Sheikh Simba alitaja hoja inayohusiana na gharama za uendeshaji wa mahakama hiyo na namna Uamuzi wa mahakama hiyo utakavyokuwa na nguvu ya kisheria. 

Hoja nyingine ya tatu iliyotajwa na Sheikh Simba inahusu jinsi Mahakama ya Kadhi, itakavyoingizwa katika mfumo wa mahakama nchini Tanzania