Kombe la Dunia: Uhispania yajitayarisha kukutana na Ujerumani baada ya kuiangusha Paraguay

Timu ya Taifa ya Uhispania imefuzu kuingia nusu fainali ya Kombe la Dunia mwaka 2010 baada ya kuifunga Paraguay bao(1) moja kwa bila(0) katika mechi iliyochezewa uwanja wa Ellis Park mjini Johannesburg.
Bao hilo lilipachikwa wavuni na David Villa kunako dakika ya 82 katika mechi hiyo iliyokuwa ngumu kwa Paraguay ambao walikosa penati.

 

David VILLA

Uhispania sasa itachuana na Ujerumani ambayo nayo iliingia nusu fainali ya mashindano hayo baada ya kuigaragaza bila huruma timu ya soka ya Argentina mabao 4-0. Mechi kati ya Ujerumani na Uhispania itachezwa Jumatano baada ya ile ya Uruguay na Uholanzi itakayochezwa Jumanne. Kuingia timu tatu za nchi zilizostawi za Ulaya katika nusu fainali ya Kombe la Dunia kumewasikitisha mashabiki wa soka waliokuwa wakitaraji maeneo mengine ya dunia kupata fursa ya kusonga mbele katika michuano hiyo. 
katika mechi hiyo mchezaji ANDRES INIESTA wa timu ya Uhispania alichaguliwa kuwa mchezaji bora wa mechi hiyo.

ESP-Andres INIESTA