Rais Zuma: Kombe la dunia imeliamsha bara la Afrika 
 

Rais Jacob Zuma wa Afrika Kusini amesema kuwa, maandalizi na uendeshwaji muruwa wa mashindano ya kombe la dunia umeliamsha bara la Afrika na kuudhihirishia ulimwengu kuwa hata nchi zinazoendelea zinaweza kuandaa matukio muhimu ya dunia. Akizungumza kwenye mahojiano na kitengo cha habari cha FIFA Zuma amesema kuwa kutokana na tadbiri ya nchi yake kwenye mashindano ya kombe la dunia, sasa pana haja ya bara hili kupewa fursa nyingine ya kuandaa mashindano ya Olimpiki. Amesema kuwa ana matumaini makubwa kuwa bara hili litatunukiwa heshima ya kundaa Olimpiki siku za usoni.