SHINDANO LA TANZANIA MOVIE TALENTS LAENDELEA TENA MARA BAADA YA MSIBA WA GEORGE TYSON KUMALIZIKA

Mmoja wa wafanyakazi wa TMT, Happy (mwenye fulana iliyoandikwa crew) akitoa maelekezo kwa vijana ambao wamejitokeza kwa mara ya kwanza katika usaili wa Shindano la Tanzania Movie Talents linaloendelea kufanyika katika Ukumbi wa Makumbusho ya Taifa, Jijini Dar Es Salaama ambalo lilisimama kutokana na mmoja wa Majaji wetu, Bi Yvonne Cherry kufiwa na Mzazi Mwenzake ambae pia alikua ni Muongozaji na Mtayarishaji mahiri wa filamu na vipindi vya runinga Marehemu George Tyson ambae amezikwa hapo jana kijijini Kwao huko Kenya.

Baadhi ya washiriki waliojitokeza katika Shindano la Tanzania Movie Talents wakiwa kwenye mstari kwaajili ya kupewa namba ya ushiriki.

Baadhi ya washiriki wa TMT wakipewa namba ya ushiriki na maelekezo.

Baadhi ya washiriki wakisubiria Kuingia ndani Kwa majaji kwaajili ya kuanza kuonyesha Uwezo wao wa kuigiza.

Washiriki wakisubiri zamu zao kwaajili ya kuonyesha uwezo wao wa kuigiza.

Hatimaye shindano la Tanzania Movie Talents limeendelea tena leo mara baada ya kumalizika kwa Msiba wa aliyekuwa Mzazi Mwenza wa jaji Yvonne Cherry au Monalisa, Marehemu George Tyson. Marehemu George Tyson ambaye alikuwa ni mmoja wa Waongozaji filamu mahiri hapa nchini Tanzania,alifariki kwa ajali ya gari wakati akitokea mkoani Dodoma kikazi akirejea jijini Dar. 

Ikumbukwe kuwa Shindano hili lilianza kufanyika Siku ya Ijumaa tarehe 30 Mei 2014 katika Ukumbi wa Makumbusho ya Taifa uliopo Jijini Dar Es Salaam. Mara baada ya kumaliza kwa Shindano hilo kwa siku hiyo ya Ijumaa ndipo tulipopata Taarifa za Msiba wa Marehemu George Tyson na ndipo tulipoamua Kusitisha Shindano hilo hadi pale msiba utakapomalizika kwa maana Ulikua ni Msiba mkubwa sana katika Tasnia ya Filamu nchini lakini vilevile Msiba huo ulitugusa moja kwa moja kutokana na Marehemu George Tyson alikuwa mzazi Mwenza wa Mmoja wa Majaji wetu ambae ni Vyonne Cherry au Monalisa.

Kutokana na Msiba huo Timu ya TMT ilibidi kusitisha na kuungana na Jaji wetu Monalisa katika kipindi hiki kigumu cha Msiba wa kuondokewa na mzazi mwenzake hadi pale walipomaliza kuzika Hapo jana.

Shindano hili litaendelea kwa Siku tatu zilizobaki kwaajili ya Kupata washindi watano watakaoiwakilisha kanda ya Pwani ambapo kila Mmoja ataondoka na kitita cha Shilingi laki tano kila Mmoja na baadae kuungana na washindi wengine kutoka kanda 5 katika safari ya kuwania zawadi kubwa kabisa ya Milioni 50 za Kitanzania katika fainali kubwa itakayofanyika mwishoni mwa Mwezi wa nane na kuhudhuriwa na maelfu ya watu.

 

NA LUKAZA BLOG.