TANZANIA YAICHAPA AFGHANSTAN MAGOLI 3 KWA 1

****RAMADHAN TORNAMENT|****

Kikosi  Kazi cha Tanzania

Jana ilikuwa ni vuta nikuvute katika Uwanja wa MASAB TANK HYDERABAD INDIA mtanange wa kukata na shoka kati ya Timu ya Tanzania na Afghanstan katika kinyanganyiro kinachoitwa RAMADHAN TORNAMENT.

Baada ya mechi hii kuahirishwa kwa siku kadhaa kutokana na mvua kubwa kunyesha mjini hapa na maji kujaa uwanjani hapo, Hatimaye siku ya jana hali ya hewa  iliweza kubadilishwa na vijana machachari wa timu  ya Tanzania na kufanikiwa kuwatoa katika kinyanganyiro hicho baada ya kuwachapa Afghanstan bao 3 kwa 1.Kwa upande wa Tanzania msakata kabumbu machachari  Said Omar Mihala aka Young Halla aliweza kuipatia timu yake mabao mawili na bao la tatu lilifungwa na mchezaji hodari Ibrahim aka Kaka Bura na Afghanstan waliweza kujipatia bao la kifutia machozi.

Hadi mwisho wa mechi hiyo Tanzania walitoka kifua mbele  kwa kuifunga Sudan 3 kwa 1.
Timu ya Tanzania  jana imeweza kupata nafasi ya kuingia fainali katika mashindano hayo.

******************** 

Leo saa mbili na nusu usiku huu vijana wa Tanzania watajitupa tena dimbani hapo kupambana na timu ya Eritrea.

Hivyo basi uongozi wa TSAH unawaomba wanajumuiya kujitokeza kwa wingi bila kukosa kuishangilia timu yenu msisahau kuja na mavuvuzela. 
 Mungu ibariki Tanzania,Watanzania TSAH,na Watu wake,Amin.

Imeandikwa na ALLY S. MGIDOS.