KAMPUNI YA STEPS YASHIRIKIANA NA WASANII KUWAKAMATA WEZI WA KAZI ZAO.

 

Msanii Mohamed Nice ‘Mtunisi’ akizungumza Jinsi Walivyokamata Mzigo Feki wa Kazi za Wasanii Mbalimbali kwa Kushirikiana na Kampuni ya Steps Entertainmet ya Jijini Dar Es Salaam inayosambaza Kazi za Wasanii nchini Picha Na  www.burudan.blogsports.com

Mtuhumiwa wa Kurudufu kazi za wasanii  akihojiwa na ITV huku akiwa Chini ya Ulinzi baada ya Kukamatwa.

Msanii wa filamu nchini Mohamed Nice ‘Mtunisi’ (kushoto) na Jacob Steven ‘JB’ wakiwa katika duka ambalo lilikuwa linauza kazi zao ambazo ni feki ambapo watuhumiwa walikamatwa kwa kushirikiana na Kampuni ya usambazaji ya Steps Entertainment ya jijini Dar es salaam picha na www.burudan.blogspot.com

Baadhi ya watu wakiwa wamekusanyika kushudia ukamatwaji wa kazi za wasanii mtaa wa Magili na Likoma jijini Dar es salaam.

Baadhi ya kazi feki za Wasanii zilizokamatwa.

Wasanii Mzee Yusufu (kushoto) na Mohamed Nice wakiwa Katika Duka lililokamatwa kwa kuuza kazi Feki za wasanii.  Msako huo uliwashirikisha kampuni Ya Steps Entertainment pamoja na wasanii wenyewe.

Baadhi ya Mizigo ya Dvd mpya kabisa zilizo feki zikiwa zimekamatwa.

Kampuni  ya Steps Entertainment ya jijini Dar es salaam inayosambaza kazi za wasanii kwa kushirikiana na wasanii wamekamata kazi mbalimbali za wasanii zinazorudifiwa kinyume na taratibu na kutofaidika kwa wasanii wanaotoa kazi hizo.

Msemaji wa Kampuni ya Steps  Kambarage Ignatios amesema kuwa ukamataji huo si wa zimamoto watahakikisha wanashirikiana na wasanii wenyewe kukamata kazi zao maana wasanii wengi wanadai kuwa kazi zao zinatoka sana kumbe zinachakachuliwa na kuwapa faida watu ambao wanakaa tu na kusubiri kazi za wasanii ameiomba Serikali kuchukua hatua kali ili iwe fundisho kwa watu wanaorudufu na kunyonya kazi za wasanii.

Na mmoja ya wasanii waliojitokeza katika kamatakamata hiyo iliyofanyika makutano ya mtaa wa Magila na Likoma Kariakoo, Msanii Mohamedi Nice ‘Mtunisi’ amesema watu hawa wana akili za ziada kwani katika kava ya mbele wanaweka stika yetu halali na DVD ndio inakuwa imechakachuliwa akiangua kilio na kusema wasanii  wakifa wanakufa masikini kumbe ni watu wachache ndio wamekuwa wakinufaika na kazi zao bila kushiriki chochote.

Baadhi ya wasanii walioshiriki katika kamata kamata hiyo ni pamoja na Jacobo Steven ‘JB’ Mzee Yusuph wa kundi la Taarabu la Jahazi Simoni Mwapagata (Rado) Mussa Msuba wa iliyokuwa Segere Original Seles Mapunda ,Mohamed Nice ‘Mtunisi’ na wengine wengi wasanii hawo wameungana pamoja kwa ajili ya kutetea kazi zao ili zisirudufiwe kiolela na kuiomba serekali  kupitisha sheria kali kwa mtu anaekamatwa na kazi kama hizo.