Namibia yashtakiwa kwa kuhasi

Mama na mwanawe katika maandamano

Wanawake watatu Namibia wanaishtaki serikali kwa madai ya kuhasiwa bila idhini yao baada ya kupimwa na kuonekana na virusi vya ukimwi.

Wanawake hao wanasema madaktari na wauguzi walitakiwa kuwaelea uzuri kitu gani kilikuwa kikiendelea.

Shirika la utetezi linalowawakilisha, the Legal Assistance Centre LAC, limesema limekusanya ushahidi kutoka kesi 15 za madai ya kuhusika na kuhasiwa baada ya kuonekana na virusi vya HIV katika hospitali tangu mwaka 2008.

Maandamano ya kuwaunga mkono wanawake hao inaendelea huko Windhoek huku kesi ikianza.

Mwandishi wa BBC Frauke Jensen aliyopo kwenye mji mkuu huo, amesema kuna takriban waandamanaji 300.

Wengi wao ni wanawake, wakiwa na kauli mbiu yao " Mwili wangu, fuko langu la uzazi, haki yangu," na wakishika mabango yakisema: " Kwanini umenihasi?"

Pia wana mpango wa kufanya maandamano mengine siku ya Jumatano katika hospitali mbili ambapo inadaiwa shughuli hizo za kuhasi zilipofanyika.

"Usawa kwa wote"

Wanawake hao wanaofikisha kesi zao mahakamani wanataka dola za kimarekani 130,000 kama fidia kutoka wizara ya afya.

Msemaji wa wizara hiyo, Gladys Kamboo, amesema hawezi kuzungumzia lolote kuhusu kesi hiyo wakati tayari imefikishwa mahakamani, lakini amesisitiza kuwa wizara hiyo haijawadhuru wanawake hao kwa makusudi.

Shirika la LAC limesema mahakama kuu imetaka wanawake hao wasijulikane ili kuzuia " ubaguzi na unyanyapaa zaidi kutokana na hali yao ya kuwa na virusi vya HIV."

Amon Ngavetene wa LAC ameiambia BBC, " Tunataka mfumo wa afya ulio kwenye misingi ya haki za binadamu na unaotoa haki kwa wote."

Amesema wakati wanawake wenye virusi vya HIV wanapokwenda hospitali, mara nyingine hushauriwa kuhasiwa kwa siri na madakatari wao.

Bw Ngavetene amesema wanawake hawa si mara zote hupewa maelezo ya nini hasa hufanyika na hatari inayowakabili si aghalabu kushughulikiwa.

Pia amesema huenda kukawa na tatizo la lugha hasa katika nchi hiyo yenye lugha za asili 11.

Mbali na maandmano hayo huko Windhoek, mengine yanatarjiwa kufanyika siku ya Jumanne huko Afrika Kusini, Zambia, Uingereza na Marekani. BBC Swahili.